(૩૭૧)
રિક્ત પંક્તિને
ભરવા બેઠો અને
કલ્પના મળી
(૩૭૨)
ન વરસાદ
ન ઝરમર તોય
ભીંજવે કોણ?
(૩૭૩)
એકદા ઘડી
માંગુ એવી રહે જે
સદાય સ્થિર
(૩૭૪)
સંદેહ એક
એમનો, અમે ક્યાંક
એમને ત્યજ્યાં?
(૩૭૫)
ઉઠ્યો જનાજો
ફૂલનો, ગુન્હો : ઈશ્ક
કંટક સંગ
(૩૭૬)
ખબર નથી
હ્રદયસ્થ છો કે લઈ
હ્રદય ગયાં
(૩૭૭)
આજ હ્રદય
ધબકારા વિસર્યુ
તને જોતાં જ
(૩૭૮)
બંધ બારણે
થાય છે ઘણી વાતો
ખુલ્લા મનથી
(૩૭૯)
મારી મદિરા,
સાકી મારી, પીઠામાં
ઘર મારું છે
(૩૮૦)
કમાડ કહે,
મુક્ત મળ્યા જે શ્વાસ
મુજ બંધને