ગ્રીષ્માંતે કંઈ વરસી રહી વાદળી જો આ રૂડી ,
સુકુમાર વાયુ સંગે વહ્યો, વાદળી અશ્રુ ભરી.
ઉત્સવ આજ છવાયો છે મનોરમ્ય વસુંધરે,
મહેરામણ માનવ તણી કંઈ કિલ્લોલ કરે .
વદન વસુંધરા તણું વસ્ત્ર હરિત છે ધરે,
ત્યજી રૂપ જુનાં સોહાગણ નવ શૃંગાર સજે .
થનગનતો કંઈ નૃત્ય તણો થનકાર કરે,
આ મોરલો દેખી વાદળી ટહુકારે સાદ કરે .
નવપલ્લવિત પર્ણોની પર્ણાવલી શાખે ખીલે,
કળીઓ બની પુષ્પ જો ને સ્વાગત વર્ષાનું કરે !!!!
– અનુજ ‘અન્ય’